उत्तर - वाक्यातील कर्ता-कर्म-क्रियापद यांच्या परस्पर संबंधाला व्याकरणाच्या भाषेत प्रयोग असे म्हणतात. प्रयोग - कर्त्याची व कर्माची क्रियापदाशी जी जुळणी, ठेवण किंवा रचना असते तिला व्याकरणात प्रयोग असे म्हणतात. प्रयोग ओळखण्‍यासाठी कर्ता, कर्म व क्रियापद यांची आवश्यकता असते. प्रयोगाचे प्रमुख तीन प्रकार पडतात. • कर्तरी प्रयोग • कर्मणी प्रयोग • भावे प्रयोग Related Concepts: अलंकार - भाषेचे सौंदर्य वाढवण्यासाठी ज्या अलंकारिक भाषेचा वापर केलेला असतो, त्याला अलंकार म्हणतात. भाषेच्या अलंकाराचे दोन प्रकार आहेत. • शब्दालंकार • अर्थालंकार विशेषण - नामाबद्दल विशेष माहिती सांगणाऱ्या शब्दाला विशेषण असे म्हणतात. विशेषणाचे प्रमुख तीन प्रकार पडतात. • गुणवाचक विशेषण • संख्यावाचक विशेषण • सार्वनामिक विशेषण समास - मराठी व्याकरणामधी दोन किंवा दोनपेक्षा अधिक शब्दामधील विभक्ती प्रत्यय अथवा संबंध दर्शक शब्द गाळून त्या पासून जो एक संयुक्त शब्द बनविला जातो त्या पद्धतीस समास असे म्हणतात आणि अशा प्रकारे या झालेल्या संयुक्त शब्दास मराठी व्याकरणात सामासिक शब्द म्हणतात. मराठी व्याकरणात समासाचे एकूण चार प्रकार आहेत. • अव्ययीभाव समास - पहिले पद महत्वाचे • तत्पुरुष समास - दुसरे पद महत्वाचे • द्वंद्व समास - दोन्ही पदे महत्वाची • बहुव्रीहि समास - दोन्ही पदे गौण (तिसऱ्याच पदाचा बोध होतो)