योग्य उत्तर अलाउद्दीन खिलजी आहे. • अलाउद्दीन खिलजी: • अलाउद्दीन खिलजी याने त्याचा सासरा जलालुद्दीन खिलजी यांची विश्वासघातकी हत्या केल्यानंतर तो दिल्लीच्या गादीवर बसला. • आपल्या राज्यास बंडखोरीपासून मुक्त करण्यासाठी त्याने अमीर (कुलीन), गुप्तहेर यंत्रणा, मद्यविक्री प्रभावीपणे नियंत्रित केली. • त्यांनी राज्यातील उलमांचे (मौलानांचे) वर्चस्व नष्ट केले. • तो एक सामर्थ्यवान योद्धा आणि यशस्वी सेनापती होता. • अलाउद्दीन खलजीच्या सुधारणांमध्ये डाग (घोड्यांवर निशाण लावणे) आणि हुलिया [चेहेरेपट्टी] (सैनिकांची तपशीलवार यादी बनवणे), बाजारपेठेतील सुधारणा, सैनिकांना रोख पगार देणे इत्यादींचा समावेश आहे. • दिल्लीतील चार स्वतंत्र बाजारपेठेत प्रत्येकी धान्य, कापड, साखर, सुकामेवा, लोणी आणि तेल, घोडे, गुलाम आणि गुरेढोरे यांचा समावेश होता आणि अंततः विविध वस्तूंचा समावेश त्यात केला होता. • प्रत्येक बाजारपेठ शहना-ए-मंडी नावाच्या अधिकाऱ्याच्या नियंत्रणाखाली होती. • शासकीय दुकानात अन्नधान्याचा साठा साठवून त्याचा पुरवठा सुनिश्चित केला गेला. सर्व वस्तूंची निश्चित किंमत ठरवून ती पद्धत अवलंबली गेली. नायब-ए-रियासत नावाच्या अधिकाऱ्याअंतर्गत दिवाणी रियासत नावाचा स्वतंत्र विभाग तयार केला गेला. प्रत्येक व्यापाऱ्याला बाजार विभागांतर्गत नोंदणी करावी लागत असे. • या बाजारपेठेच्या कामकाजाविषयी सुलतानास अहवाल पाठविण्याकरिता मुनिअन नामक गुप्तहेरांची नेमणूक केली गेली. • त्याच्या कारकिर्दीत प्रथमच जमिनीचे मोजमापन केले गेले. • सैनिकी मोहिमांमध्ये मंगोल, रणथंभोर आणि चित्तोडचे राजपूत राजे यांच्याविरोधातही त्याने दक्षिण पश्चिमेकडे दख्खनपर्यंत दूरवर आपल्यासाम्राज्याचा विस्तार केला. • त्याने अमीर खुसरो आणि अमीर हसन या कवींना आश्रय दिला. • त्याने अलाई दरवाजा या नावाने प्रसिद्ध प्रवेशद्वारही बांधले आणि सिरी येथे आपली नवीन राजधानी बनविली. • मुहम्मद तुघलक: • यांच्या महत्वाकांक्षी योजना आणि अभिनवी प्रयोगांमुळे ते मध्ययुगीन भारताच्या इतिहासातील एक आकर्षक व्यक्तिरेखा आहे. • तुघलकाने प्रतीकात्मक चलन पद्धत सुरू केली. • शेतकऱ्यांना शेतीच्या वाढीसाठी तकावी कर्ज देण्यात आले. • दिवान- ए-कोही या कृषी विभागाची स्थापना केली. • कुतुबुद्दीन ऐबक: • तो मुहम्मद घोरीचा गुलाम होता, ज्याने त्याला आपल्या भारतीय मालमत्तेचा राज्यपाल केले. • घोरीच्या मृत्यूनंतर त्याने स्वतःस घोरी घराण्यापासून स्वतंत्र घोषित करून गुलाम घराण्याची स्थापना केली आणि लाहोरला त्याची राजधानी बनविले. • महान विद्वान हसन निजामी हे त्याच्या आश्रयी होते. • अल्तमश (इल्तुतमिश): • 13व्या शतकातील सर्वात भव्य इमारत असलेली कुतुब मीनाराच्या बांधकामाची आरंभ ऐबकाने केला आणि त्यांच्यापश्चात इल्तुतमिशने ते बांधकाम पूर्ण केले. • इल्तुतमिश हा इल्बारी जमातीचा होता आणि म्हणूनच त्याच्या घराण्याला इल्बारी घराणे असे नाव देण्यात आले.